एलेक्स शर्माले ल्याए बुबाप्रति समर्पित गीत ‘मेरो बाबा…’ (भिडियोसहित)

काठमाडौं । बुबाप्रतिको सम्मान देखाइएको गीत ‘मेरो बाबा’ सार्वजनिक गरिएको छ । आफ्नो जन्म दिने बुबाप्रति सम्मान स्वरुप समर्पित गीतको म्युजिक भिडियो समारोहकाबीच सार्वजनिक गरिएको हो ।

नव गायक एलेक्स शर्माको स्वर तथा अभिनय रहेको उक्त गीतको संगित एरेन्ज चर्चित संगितकार दिवान किनारले गरेका छन् । गायक शर्माको यथार्थ जिवनमा आधारित गीतको भिडियो निकै मर्मस्पर्शी छ ।

‘गीतले भने जस्तै भिडियोमा कैद भएको दृश्य मेरो वास्तविक जीवनको घटना हो । वास्तविक जीवनको घटनालाई भुलाउन गीत र म्युजिक भिडियो निर्माण गरिएको छ,’ उनले भने, ‘ मेरो मात्र कथा नभएर धेरै छोराहरुको जीवनसँग मेल खाने छोराहरुको बाबाप्रति समर्पित रहेकोले धेरै छोराहरुको प्रतिनिधित्व गर्ने आशा लिएको छु ।’

म्युजिक भिडियोमा गायन र मोडल स्वयं शर्माका छ भने उनलाई मोडल विजय गजमेर, लछुमन चौलागाई, गितान्जलि, बाल कलाकार मिसन न्यौपाने र काव्य कार्कीले अभिनयमा साथ दिएका छन् । भिडियोको निर्देशन अमर ओलीले गरेका हुन् ।