मनाङ एयरको हेलिकोप्टर दुर्घटनामा पाइलटसहित ६ जनाको मृत्यु (अपडेट)

काठमाडौँ । मनाङ एयरको हेलिकोप्टर दुर्घटनामा ६ जनाकै मृत्यु भएको छ । मृत्यु हुनेमा हेलिकोप्टरका क्याप्टेन चेत गुरुङ र अन्य ५ जना मेक्सिकन नागरिक छन् ।

सोलुखुम्बुको लिखुपिके गाउँपालिका र दूधकुण्ड गाउँपालिकाको सिमानामा पर्ने लामजुराको भकान्जेस्थित च्यानडाँडा मनाङ एयरको ९एन-एएमभी कलसाइनको हेलिकोप्टर दुर्घटना भएको हो ।

सोलुखुम्बुको सुर्केबाट बिहान १० बजे उडेको हेलिकोप्टर १० बजेर १२ मिनेटमै सम्पर्कविहीन भएको थियो । घटनास्थलमा अहिले प्रहरी परिचानल भएको र थप टोली जाने तयारी भएको छ ।