भवन उद्घाटनका लागि हेटौँडा जाँदै राष्ट्रपति भण्डारी

काठमाडौँ । राष्ट्रपति विद्यादेवी भण्डारी औपचारिक कार्यक्रममा सहभागी हुन आज हेटौँडा जाँदैछन् । भण्डारी चार वर्षपछि मकवानपुर जान लागेकी हुन् ।

प्रदेश सरकार मातहतको मदन भण्डारी स्वास्थ्य विज्ञान प्रतिष्ठान, हेटौँडा अस्पतालको नवनिर्मित भवन उद्घाटनका लागि राष्ट्रपति भण्डारी जान लागेकी हुन् । राष्ट्रपति भण्डारी १२ बजे हेलिकप्टरमा हेटौँडा जाने र अस्पताल भवनको उद्घाटनपश्चात् पुनः काठमाडौँ फर्किने जनाइएको छ ।

प्रतिष्ठानले ४५ करोड रुपैयाँ लागतमा अस्पतालको भवन निर्माण गरेको थियो ।