आइएमई पेको अफर : एक रुपैयाँमै हवाइ टिकट

काठमाडाैं । आइएमई पेले आसन्न आमनिर्वाचनको अवसरलाई मध्यनजर गर्दै हवाई यात्रा अफर सार्वजनिक गरेको छ। अफरअनुसार आइएमई पे एपमार्फत हवाई टिकट काट्नेमध्ये हरेक दिन एक भाग्यशाली विजेताले एक रुपैयाँमै सो टिकट प्राप्त गर्न सक्नेछन्।

आमनिर्वाचनमा मतदातालाई आफ्नो मताधिकार प्रयोगमा सहज होस् भन्ने उद्देश्यले हवाई टिकट अफर सार्वजनिक गरिएको कम्पनीले जनाएको छ। प्रयोगकर्ताहरूले हवाई टिकट खरिद गर्दा कुल रकम (फुल प्राइस)मै खरिद गर्नुपर्नेछ।

विजेता घोषित हुने भाग्यशाली विजेताले एक रुपैयाँबाहेकको पूर्ण मूल्य क्यासब्याकस्वरूप पाउनेछन्। कम्पनीका अनुसार यो अफर कात्तिक ३० देखि मंसिर ९ सम्म कायम हुनेछ।