‘मिस टीन ग्रीन २०२२’को उपाधि सिम्फोनी शिवाकोटीलाई

काठमाडौं । सिम्फोनी सिवाकोटीले २०२२ को मिस टीन ग्रीनको उपाधि हात पारेकी छन् । अनुजा मिडियाद्वारा मंगलबार काठमाडौंमा आयोजित एक कार्यक्रममा सिवाकोटीले मिस टीन ग्रीन २०२२ उपाधि जितेकी छन् ।

यस्तै, आस्था कलौनीले मिस टीन प्रिन्सेस् २०२२ को ताज पहिरिँदा, मिस टिन स्टारको ताज रास्ता महर्जन र मिस ब्यूटी विथ पर्पोस स्यारोन बज्राचार्यले जितेकी छन् । कार्यक्रममा मिस पब्लिक चोइसको ताज प्रमिला क्षेत्रीले जितिन् भने मिस राइजिङ स्टारको ताज मलिका श्रेष्ठ जित्न सफल भइन् ।

प्रतियोगिताको निर्णायकको रूपमा समाजसेवी रमेशकुमार सिलवाल, कमलकेशरी तुलाधर, व्यवसायी जिज्ञासा अर्याल, व्यूटिसियन रुश्का श्रेष्ठ, होटल व्यवसायी विष्णुबहादुर कार्की र मोडेल निशा राई थिए । अनुजा मिडियाले विगत ३ वर्षदेखि किशोरीहरूको प्रतिभा प्रस्फुटन तथा व्यक्तित्व विकासको लागि काम गरिरहेको संस्थापक अनुजा अचार्यले बताइन् ।