विष्णुमतीमा बाढी, आसपासका बस्तीमा सतर्कता अपनाउन आग्रह

काठमाडौँ । वर्षाका कारण काठमाडौँ उपत्यकाका नदी/खोलामा पानीको सतह बढेको छ । विष्णुमती नदी जलाधारको जितपुर र आसपास तथा बल्खु नदी जलाधारमा भारी वर्षा मापन गरिएको हाे ।

अहिले विष्णुमतीमा जल सतह सतर्कता तह आसपास पुगेको जल तथा मौसम विज्ञान विभागअन्तर्गतको बाढी पूर्वानुमान महाशाखाले जनाएकाे छ । विष्णुमती र बल्खु नदीको पानी किनारको सडक र बस्तीमा पस्न सक्ने आकलन छ । सो नदी किनारको सडक भएर यात्रा गर्दा सतर्कता अपनाउन महाशाखाले आग्रह गरेको छ ।

भदौ-१२बिहान ५ बजे#अलर्ट#बिष्णुमती जलाधारको जितपुर र आसपास, तथा बल्खु नदी जलाधारमा भारी बर्षा भएको
#बिण्णुमतीमा जलसतह #सतर्कता तह आसपास पुगेको छ
बिष्णुमती र बल्खु नदीको पानी किनारको सडक र बस्तीमा जान सक्छ, #बिहान ८ बजे सम्म किनारको सडकमा यात्रा गर्दा सतर्कता अपनाऔ @NDRRMA_Nepal

— Nepal Flood Alert! नेपाल बाढी सूचना! (@DHM_FloodEWS) August 27, 2022