काठमाडौँ । काठमाडौँबाट फोहोर सङ्कलन अनियमित बन्दै गएका बेला आजबाट एक हप्ता ठप्प हुने भएको छ ।
नुवाकोटको सिसडोलदेखि बञ्चरेडाँडा ल्यान्डफिल साइटसम्म जाने करिब दुई किलोमिटर बाटो मर्मतको काम भइरहेकाले एक साता फोहोर व्यवस्थापनको काम रोकिएको काठमाडौँ महानगरपालिकाले सूचना जारी गर्दै जनाएको हो ।
योसँगै एक साताका लागि उपत्यकाको फोहोर सङ्कलन ठप्प भएको छ ।
बाटो मर्मतकै कारण यसअघि पनि बिहान ४ बजेदेखि दिउँसो १२ बजेसम्म मात्रै ल्यान्डफिल साइट खुल्ने गरेको थियो । जसकारण उपत्यकाको फोहोर नियमित उठ्न सकेको थिएन ।
तपाईंको प्रतिकृया
