२८ सय ९२ संक्रमित थपिदा ३५ सय ९७ जना कोरोनामुक्त

काठमाडौं  । गत २४ घन्टामा थप ३५ सय ९७ जना कोरोना संक्रमणमुक्त भएका छन् । नेपालमा कोरोनाबाट निको हुनेको संख्या ५ लाख ९६ हजार १३२ पुगेको छ। यस्तै पछिल्लो २४ घन्टामा २८ सय ९२ जनामा संक्रमण देखिएको छ। विभिन्न प्रयोगशालामा परीक्षण गराएका ११ हजार ५६८ नमूनामा २८ सय ९२ जनामा संक्रमण देखिएको स्वास्थ्य तथा जनसंख्या मन्त्रालयले वताएकाे छ।

मन्त्रालयका अनुसार बुधबार थप ४१ जनाको कोरोनाबाट मृत्यु भएको छ । यो सहित कोरोनाबाट मृत्यु हुनेको संख्या ९ हजार ११२ पुगेको छ । १७ जिल्लामा ५ सय बढी कोरोनाका सक्रिय संक्रमित रहेका छन्। यस्तै बुधबार उपत्यकामा ५ सय ७२ नयाँ संक्रमित थपिएका छन्। कोरोनाको जोखिम कायम भएकाले अनिवार्य रुपमा स्वास्थ्यका मापदण्ड पालना गर्न मन्त्रालयले अनुरोध गरेको छ।