बिस्केट जात्रामा खटिएका प्रहरीमाथि ढुंगामुढा गर्ने १३ जना नियन्त्रणमा

काठमाडौं । भक्तपुरको बिस्केट जात्रामा खटिएका प्रहरीमाथि ढुंगामुढा गर्ने १३ जनालाई नियन्त्रणमा लिइएको छ । भक्तपुरका सुरक्षा अधिकृत प्रहरी निरीक्षक मदन केसीले जात्राको ढुंगामुढा गर्ने र खुकुरी देखाउने १३ जनालाई तौमडीचोक र पाँचतलेबाट नियन्त्रणमा लिइएको जानकारी दिए ।

प्रहरीले हुलदंगामा संलग्न भक्तपुर नगरपालिका २ खसीबजार बस्ने २२ वर्षीय विजय सुवाल, सोही स्थानका सुमन कासुल्ला, भक्तपुर नगरपालिका १० का मनिस मकाजु र भक्तपुर नगरपालिका ४ का मनिस छुका , सन्नी छुका, अर्जुन गपीलाई  प्रहरीले नियन्त्रणमा लिएको छ ।

प्रहरी निरीक्षक केसीका अनुसार, सुरेन्द्र देशमारु, सशिस पन्च, सविन श्रेष्ठ, सुनील गुरुङ र लम्मीप्रसाद दुवाललाई पनि नियन्त्रणमा लिएर अनुसन्धान भइरहेको छ ।