रामेछाप दुर्घटनाका घाइतेलाई काठमाण्डौ ल्याइयो

रामेछाप नगरपालिका वडा नं ६ ओख्रेनीमा आफैले चलाएको स्कोर्पियोमा रत्न बहादुर नेवार दुर्घटनामा परेका छन् । उनका भाई स्याम बहादुर नेवार तथा बाटोमै भेटिएकि मञ्जु थापा र उनकि छोरी दुर्घटनामा परेका छन् । रत्न बहादुर नेवारका अनुसार दुर्घटना दिउँसो २ बजे भएको हो ।

रामेछाप अस्पतालमा उपचारका लागी लगिएका घाइतेहरुलाई  हेलिकोप्टरबाट काठमाण्डौको नेपाल मेडीसिटी अस्पतालमा ल्याइएको छ । रत्न बहादुरको कम्मर मुनीका भागहरुमा चोटपटक लागेको छ भने मञ्जु थापाको खुट्टा भाचिएको छ । त्यस्तै स्याम बहादुर नेवार घाइतेहरु मध्ये केहि जटिल अवस्थामा रहेका छन्। अस्पतालका आकस्मिक विभागका प्रमुख डा.सञ्जय कार्किले सबै घाइतेहरुलाई अहिले आकस्मिक कक्षमै राखेर उपचार गरिरहेको र खतरामुक्त रहेको जानकारी दिनुुभएको छ ।