बुटवल । अन्तर्राष्ट्रिय नारी दिवसको अवसरमा हायात प्लेस बुटवलले आफ्ना सम्पूर्ण महिला कर्मचारीहरूको अथक समर्पण, प्रतिबद्धता र हरेक दिन कार्यस्थलमा ल्याउने सकारात्मक ऊर्जाप्रति कृतज्ञता ज्ञापन गरेकाे छ। कम्पनीको निरन्तर वृद्धि, सफलता र उत्कृष्ट ग्राहक सन्तुष्टिमा महिला कर्मचारीहरूले पुर्याएको महत्त्वपूर्ण प्रभाव र अमूल्य योगदानको हायात प्लेस बुटवल उच्च प्रशंसा गरेकाे हाे।
उत्कृष्ट अतिथि सत्कारदेखि लिएर व्यवस्थापनको नेतृत्वदायी भूमिकासम्म, महिला कर्मचारीहरूको मेहनतले होटलको सेवालाई विश्वस्तरीय बनाउन अहम् भूमिका खेलेको छ। हायात प्लेस बुटवलले सधैं कार्यस्थलमा विविधता र समावेशीतालाई प्राथमिकता दिँदै आएको छ। हाल होटलमा जम्मा ४७ जना महिला कर्मचारीहरू कार्यरत छन्, जुन कुल कर्मचारी संख्याको ३० प्रतिशत हो। यो तथ्याङ्कले कार्यस्थलमा महिला सशक्तीकरण र समान अवसरप्रतिको होटलको अटल प्रतिबद्धतालाई स्पष्ट रूपमा झल्काउँछ। यस अवसरमा, हायात प्लेस बुटवलमा कार्यरत केही महिला नेतृत्वकर्ताहरूले कार्यस्थलको वातावरण र आफ्नो अनुभव राखेका छन्; मार्केटिङ म्यानेजर सिम्रन सापकोटा भन्छिन्, ‘हायात प्लेस बुटवलले महिलाहरूलाई नेतृत्व गर्न र आफ्ना रचनात्मक विचारहरू अगाडि बढाउन सधैं प्रोत्साहन गर्छ। यहाँको कार्यवातावरण अत्यन्तै सुरक्षित र सहयोगी छ, जसले गर्दा हामीलाई निर्धक्क भएर आफ्नो उत्कृष्ट क्षमता प्रदर्शन गर्न र व्यावसायिक रूपमा अगाडि बढ्न निरन्तर प्रेरणा मिल्छ।’
असिस्टेन्ट फ्रन्ट अफिस म्यानेजर कृति सिंहका अनुसार अतिथि सत्कारको फ्रन्ट अफिसमा काम गर्दा महिलाहरूका लागि सुरक्षा र सहजता अत्यन्त महत्त्वपूर्ण हुन्छ। हायात प्लेस बुटवलले हामीलाई एक परिवार जस्तै अपनत्व र पूर्ण सुरक्षित वातावरण प्रदान गरेको छ। यहाँको आपसी सहयोगको भावनाले हाम्रो आत्मविश्वासलाई सधैं उच्च राख्छ । एसोसिएट डाइरेक्टर अफ सेल्स निशा जी.टी.ले भनिन्,’ सेल्स जस्तो चुनौतीपूर्ण क्षेत्रमा महिला नेतृत्वलाई यहाँ उच्च सम्मान र विश्वास गरिन्छ। हायात प्लेस बुटवलको समावेशी नीति र पूर्ण रूपमा महिला-मैत्री कार्यस्थलले हामीलाई बिना कुनै हिचकिचाहट हरेक दिन नयाँ उचाइ छुन र निर्णय लिने तहमा सशक्त भूमिका निर्वाह गर्न मद्दत गरेको छ।’
हायात प्लेस बुटवलले भविष्यमा पनि महिला सशक्तीकरणलाई बढावा दिन र महिला-मैत्री, सुरक्षित तथा सम्मानजनक कार्यवातावरण निर्माण गर्न सदैव कटिबद्ध रहने बताएकाे छ ।
