उक्त दुर्घटनामा ज्यान गुमाउनेमध्य सात मृतकको पहिचान खुलेको छ । लिखु गाउँपालिका– ४ बिजुलीकोटका २९ वर्षीय बबी तामाङ, ३० वर्षिय दिपेश बस्नेत र २५ वर्षीय दिपेन्द्र बस्नेत, लिखु तामाकोशी गाउँपालिका–७ तिल्पुङका ३५ वर्षीया सानुमाया तामाङ, सोही वडाकी २१ वर्षीया तारा तामाङको पहिचान खुलेको हो । त्यस्तै, दोलखाको भीमेश्वर नगरपालिका–८ का ६० वर्षीय मानबहादुर तामाङ, गोलञ्जोर गाउँपालिका–६ का २४ वर्षीय शिव श्रेष्ठको पनि दुर्घटनामा मृत्यु भएको पुष्टि गरिएको छ।

बसमा कति यात्रु थिए भन्ने खुलेको छैन।सशस्त्र प्रहरीको गोताखोर टोलीले अहिले पनि खोजी जारी राखेको छ । मृतको पहिचान खुल्न बाँकि छ ।सडकबाट खसेको बस नदीमा डुबेको थियो । बस नदीबाट निकालिएको छ।