सिटिजन्स बैंक इन्टरनेशनल लिमिटेडले शाखारहित बैंकिङ सेवा विस्तार गरेको छ। बैंकले नवलपरासी जिल्लाको बर्दघाट नगरपालिका, भटौलिया बजारमा पुस १६ गतेदेखि ९०औं शाखारहित बैंकिङ सेवा सुरू गरेको हो। देशका विभिन्न दुर्गम स्थलका वासिन्दाहरुलाई सर्वसुलभ तथा अत्याधुनिक बैंकिङ सेवा पुर्‍याउने उद्देश्यका साथ बैंकले उक्त शाखारहित बैंकिङ सेवा विस्तार गरेको हो। सो स्थानमा सेवा सञ्चालनका लागि स्थानीय व्यवसायी नवराज पहरीलाई व्यवसायिक प्रतिनिधि नियुक्त गरिएको बैंकले जनाएकाे छ। याे शाखारहित बैंकिङबाट निक्षेप संकलन, रकम …

पाल्पा बस दुर्घटनाका ६ जना मृतकको सनाखत भएको छ। सात जनामध्ये एक जनाको सनाखत हुन सकेको छैन। सनाखत हुनेमा अर्घाखाँची जिल्लाको मालारानी गाउँपालिका–२ का चार जना रहेका छन्। मालारानीका २८ वर्षीय भोजेन्द्र विश्वकर्मा, सोही स्थानका २५ वर्षीय शङ्कर विश्वकर्मा, सोही स्थानका २६ वर्षीय मोहन कुँवर र ३३ वर्षीय अर्जुन सुनार रहेका छन्। त्यस्तै रुपन्देही जिल्लाको बुटवल उपमहानगर–११ का ३२ वर्षीय विजय थापा, बुटवल–१७ का ३० वर्षीय पशुपति रसाइली, सोही स्थानका …

जेभियर इन्टरनेसनल कलेज र साइपाल एकेडेमीले ८ औं यू–१९ जेभियर इन्टरनेसनल बास्केटबल प्रतियोगिताको उपाधि जितेका छन्। जेभियर इन्टरनेसनल कलेजको बास्केटवल कोर्टमा आइतबार सम्पन्न फाइनलमा जेभियर इन्टरनेसनलले टाइम्स इन्टरनेसनललाई हराउँदै पुरुषतर्फको च्याम्पियन भएको हो। यस्तै, साइपाल एकेडेमीले जेभियर इन्टरनेसनल कलेजलाई हराउँदै महिलातर्फ च्याम्पियन भएको हो। प्रतियाेगिताको फाइनलमा पुरुषतर्फ जेभियर इन्टरनेसनलले हिमालयन टाइम्सलाई ४६–४० स्कोरले पराजित गरेको थियो। यसैगरि, महिलातर्फ साइपाल एकेडेमीले जेभियरलाई ४२–३६ स्कोरले हराउँदै उपाधि जित्यो। प्रतियोगिताको पुरुषतर्फ उत्कृष्ट खेलाडी …

गत २४ घण्टाभित्र नेपालमा थप २१६ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार ६३१ जनाको कोरोना परीक्षण गर्दा सो संख्यामा संक्रमित थपिएका हुन्। ५ हजार ९६२ जनाको पिसिआर परीक्षण र १ हजार ६६९ जनाको एन्टिजेन परीक्षण गरिएको थियो। हालसम्म संक्रमितकाे संख्या पिसिआर परीक्षणबाट ८ लाख २८ हजार ९८६ र एन्टिजेन परीक्षणबाट ९६ हजार २४५ रहेकाे छ। निकाे हुनेकाे संख्या २०९ …

साताको पहिलो कारोबार दिन आइतबार (आज) शेयर बजार नेप्से परिसूचक बढेर बन्द भएको छ। आज नेप्से परिसूचक ६०.४१ अकंले बढेर २ हजार ५८४.९१ बिन्दुमा पुगेको छ। त्यस्तै सेन्सेटिभ इन्डेक्स पनि १०.७७ अंकले बढेर ४८२.०१ बिन्दुमा पुगेको छ। आज २४० वटा कम्पनीको ७१ लाख ६० हजार ९८३ कित्ता शेयर ४ अर्ब १२ करोड ६९ लाख ८० हजार रुपैयाँमा खरिद विक्री भएको छ। त्यस्तै आज ३ वटा कम्पनीको शेयर मूल्यमा सकारात्मक सर्किट …

स्वास्थ्य तथा जनसंख्या मन्त्रालयले कोभिड–१९ तथा नयाँ भेरिएन्ट ओमिक्रोन फैलन नदिन देशभरका स्थानीय तह, प्रदेश सरकार र स्वास्थ्य कार्यालयहरूलाई थप सतर्कता अपनाउन आग्रह गरेको छ। कोभिड महामारी व्यवस्थापनमा दुई वर्षदेखि भइरहेको अथक प्रयास र कटिबद्धताको उच्च कदरसहित महामारीको जोखिम अझै रहेकाले सबै निकाय सतर्क र पूर्वतयारीमा रहन आग्रह गरेको हो। कोभिड-१९ का केसहरु फेरि बढ्न नदिन विभिन्न उपायहरू थप प्रभावकारिताका साथ कार्यान्वयन गराउन इपिडिमियोलोजी तथा रोग नियन्त्रण महाशाखाले अनुरोध गरेको …

नेकपा (एमाले) का अध्यक्ष केपी शर्मा ओलीले आफ्नै पार्टीको नेतृत्वमा रहेको कम्युनिष्ट सरकारलाई ढालेर अर्काे दलको नेतृत्वमा सरकार बनाउनेले मुलुकमा समाजवाद ल्याउन नसक्ने आरोप लगाएका छन्। अङ्ग्रेजी नयाँ वर्ष सन् २०२२ प्रवेशका अवसरमा एमाले निकट प्रवासी नेपाली मञ्च, अन्तर्राष्ट्रिय कमिटीले गएराति भर्चुअल माध्यमबाट आयोजना गरेको शुभकामना आदानप्रदान कार्यक्रममा पूर्वप्रधानमन्त्री ओलीले स्थिरता र सुशासन नचाहने तत्वले एमालेको सरकार ढालेको आरोप लगाए। उनले यस नयाँ वर्षमा नयाँ जनमतका साथ एमालेले समृद्धिका बाँकी …

नेपाली कांग्रेस केन्द्रीय कार्यसमितिको बैठक सोमबार बस्ने भएको छ। बैठक पार्टीको केन्द्रीय कार्यालय सानेपामा अपराह्न २ बजे बस्ने तय भएको पार्टी कार्यालयका मुख्यसचिव कृष्णप्रसाद पौडेलले जानकारी दिए। गत मङ्सिर २४ देखि २८ गतेसम्म सम्पन्न १४औँ महाधिवेशनबाट निर्वाचित कांग्रेस केन्द्रीय समितिको बैठक दोस्रो पटक बस्न लागेको हो। पहिलो बैठक यसअघि पुस १० गते बसेको थियो।

भारतमा फेरि कोभिड संक्रमण बढेको छ। आइतबार एकै दिन २७ हजार ५५३ जनामा संक्रमण देखिएको छ। पछिल्लो २४ घन्टामा २८४ जनाको कोभिडका कारण मृत्यु भएको छ। कोभिडको नयाँ भेरियन्ट ओमिक्रोनका कारण भारतमा संक्रमितको संख्या दिनहुँ बढेको छ। भारतमा अझै पनि एक लाख २२ हजार ८०१ जना सक्रीय संक्रमित छन्। देशका प्रमुख सहरमा कोभिडबाट संक्रमितकाे संख्या बढेकाे छ। दिल्लीमा शनिबार दुई हजार ७१६ जनामा संक्रमण देखिएको छ । यो पछिल्लो सात …

प्रधानन्यायाधीश चोलेन्द्रशमशेर जबराको राजीनामा माग गर्दै आज पनि कानून व्यवसायीहरुले बिरोध प्रदर्शन गरेका छन् । आइतबार पनि सर्वोच्च अदालत परिसरमा नेपाल बार एशोसिएशन र सर्वोच्च अदालत बार एशोसिएशनका पदाधिकारी तथा कानून व्यवसायीहरुले आन्दोलन गरेका हुन् । प्रदर्शनका क्रममा सञ्चारकर्मीहरुसँग बोल्दै नेपाल बारका अध्यक्ष चण्डेश्वर श्रेष्ठले न्यायपालिकाको विकृति र विसंगति हटाउनका लागि आफूहरुले आवाज उठाएको बताए। उनले न्यायपालिकाबाट स्वतन्त्र, निष्पक्ष, स्वच्छ, निर्भिक ढंगबाट न्याय सम्पादन हुनुपर्ने र त्यसका लागि प्रधानन्यायाधीश जबराले …