अवार्ड वितरणअगाडि एस इन्स्टिच्युट अफ म्यानेजमेन्टद्वारा प्रायोजित यस कार्यक्रममा शिक्षा क्षेत्रको वर्तमान अवस्था, चुनौती र आगामी दिशाबारे दुईवटा महत्त्वपूर्ण प्यानल डिस्कसन समेत सञ्चालन गरिएको थियो ।
कार्यक्रमको पहिलो सत्रमा ‘शिक्षामा निजी क्षेत्रको लगानी’ विषयमा केन्द्रित रहेर गहन छलफल भएको थियो । उक्त सत्रको सुरुवातमा राष्ट्रिय परीक्षा बोर्डका पूर्वअध्यक्ष एवं काठमाडौं विश्वविद्यालयमा आबद्ध प्राज्ञिक व्यक्तित्व महाश्रम शर्मा र पूर्व स्वास्थ्य राज्यमन्त्री एवं हिसान तथा प्याब्सनका पूर्वअध्यक्ष उमेश श्रेष्ठले की—नोट स्पिकरका रूपमा आफ्नो धारणा राखेका थिए । श्रेष्ठ लिटिल एन्जल्स एजुकेशन ग्रुपका संस्थागत अध्यक्ष समेत हुन् । उनीहरूले शिक्षामा निजी क्षेत्रले पुर्याएको योगदानलाई राज्यले नजरअन्दाज गर्न नहुने र लगानी मैत्री वातावरण बनाउनुपर्नेमा जोड दिएका थिए ।
अधिवक्ता एवं इन्जिनियर उमेश रुपाखेतीको मोडरेटरमा सुरु भएको प्यानल डिस्कसनमा शिक्षा मन्त्रालयको योजना तथा अनुगमन शाखाका सहसचिव एवं प्रवक्ता शिव कुमार सापकोटा, हिसानका अध्यक्ष तथा हिमालयन ह्वाइट हाउस आईबी वर्ल्ड स्कुलका निर्देशक युवराज शर्मा, नबिल बैंकका प्रमुख कार्यकारी अधिकृत मनोज ज्ञवाली र एस इन्स्टिच्युट अफ म्यानेजमेन्टका प्रिन्सिपल तथा डाइरेक्टर डा. आशिष तिवारी प्यानलिस्टका रूपमा सहभागी थिए । छलफलका क्रममा वक्ताहरूले शिक्षामा निजी क्षेत्रको लगानीको सुरक्षा, बैंक तथा वित्तीय क्षेत्रको भूमिका र सरकारी नीतिहरूबीचको तादाम्यताका विषयमा आफ्ना तार्किक भनाइहरू राखेका थिए ।
कार्यक्रमको दोस्रो प्यानल डिस्कसन ‘के नेपाललाई एजुकेसन हब बनाउन सकिन्छ ?’ भन्ने विषयमा केन्द्रित रहेको थियो । सत्रको मोडरेटरको भूमिका इक्यानका निवर्तमान अध्यक्ष शेषराज भट्टराईले गरेका थिए । यस सत्रमा शिक्षा, स्वास्थ्य तथा सूचना समितिका सभापति डा. ओजश्वी शेरचन, प्याब्सनका पूर्वअध्यक्ष एवं रेडियन्ट स्कुलका संस्थापक डिके ढुंगाना र गेट कलेजका संस्थापक अध्यक्ष खेम लकाईले प्यानलिस्टका रूपमा बहस गरेका थिए । बहसका क्रममा सहभागीहरूले नेपालमा उच्च शिक्षा र प्राविधिक शिक्षाको जग बलियो बनाउँदै विदेशी विद्यार्थीहरूलाई समेत आकर्षित गर्न सकिने प्रचुर सम्भावना औंल्याएका थिए । यसका लागि नीतिगत सुधार र व्यावहारिक शिक्षा आजको आवश्यकता रहेको उनीहरूको निष्कर्ष थियो ।
कार्यक्रममा शैक्षिक जगतलाई उज्यालो बनाउन र गुणस्तरीय शिक्षाको जग बसाल्न जीवन पर्यन्त खटिएका दुई सिद्धहस्त व्यक्तित्वहरूलाई यस वर्षको ‘शिक्षा क्षेत्रका लागि प्रोज्ज्वल नक्षत्र २०८३’ उपाधिबाट विभूषित गरिएको थियाे । सम्मानित हुनेहरूमा सुदूरपश्चिम विश्वविद्यालयका प्रथम संस्थापक उपकुलपति प्रा.डा. जयराज अवस्थी र प्रसादी एकेडेमीका प्रमुख विक्रम राई छन् ।
प्रा.डा. जयराज अवस्थीः सुदूरपश्चिमको विकट जिल्ला दार्चुलामा जन्मिएर नेपाली उच्च शिक्षाको सर्वोच्च शिखरसम्म पुगेका प्रा.डा. जयराज अवस्थीको प्राज्ञिक यात्रा आफैँमा एउटा जीवन्त प्रेरणा हो।
विक्रम राईः विगत २९ वर्षदेखि निरन्तर रूपमा शिक्षा क्षेत्रमा अहोरात्र खटिएका प्रसादी एकेडेमीका कलेज प्रमुख राई माध्यमिक शिक्षाका मियो हुन् । ‘एकल कार्यक्रम, एकल व्यवस्थापन’को नीति अपनाउँदै प्रसादी एकेडेमीलाई सधैँ देशकै सर्वोत्कृष्ट शैक्षिक नतिजा दिलाउन राईको मुख्य भूमिका रहँदै आएको छ ।
शिक्षा क्षेत्रको विकास, व्यवस्थापन र संस्थागत सुदृढीकरणमा उल्लेखनीय योगदान पुर्याउने अन्य तीन जना प्रतिष्ठित व्यक्तित्वहरूलाई ‘केन्द्रबिन्दु विशिष्ट शिक्षा सम्मान २०८३’ द्वारा सम्मानित गरिएको छ । उक्त विधाबाट सम्मानित हुनेहरूमा ललितपुरमा अवस्थित पिनाकल एकेडेमीका प्रिन्सिपल डा. ऋषी तिवारी, काठमाडौं विश्वविद्यालयका पूर्वउपकुलपति प्रा. डा.भोला थापा र राष्ट्रिय परीक्षा बोर्डका सदस्य सचिव जंगबहादुर अर्याल रहेका छन् । राष्ट्रिय स्तरको शैक्षिक नीति निर्माणदेखि विश्वविद्यालय र विद्यालय तहको शैक्षिक गुणस्तर सुधार्न उनीहरूले पुर्याएको गुनको स्मरण गर्दै सो सम्मान अर्पण गरिएको हो ।
कार्यक्रमको मुख्य पाटो, शैक्षिक उत्कृष्टताप्रति आफ्नो अटल प्रतिबद्धताका कारण देशैभरका शिक्षण संस्थाहरूमा आफूलाई अब्बल शैक्षिक संस्थाको रुपमा स्थापित गराउन सफल शैक्षिक संस्थाहरुलाई सम्मान गरिएको छ । राष्ट्रिय परीक्षा बोर्ड, सानोठिमीले शैक्षिक नतिजा र योगदानका आधारमा उत्कृष्ट ठहर्याएका संस्थागततर्फ काठमाडौंको बागबजारमा रहेको केएमसी सेकेण्डरी स्कुल (केएमसी) तथा डिल्लीबजारस्थित ट्रिनिटी इन्टरनेसनल स्कुल सर्वोत्कृष्ट घोषित भएका छन् ।सामुदायिकतर्फ भने त्रिपुरेश्वरस्थित विश्व निकेतन सेकेण्डरी स्कुल सर्वोत्कृष्ट विद्यालयका रूपमा सम्मानित भएको छ ।
कुन शैक्षिक संस्थाले कुन पाए अवार्ड ?
१. सर्वोत्कृष्ट (द बेस्ट) सेकेण्डरी स्कुल अवार्ड – काठमाडौं मोडल सेकेन्डरी स्कुल (बागबजार)
२. सर्वोत्कृष्ट (द बेस्ट) सेकेण्डरी स्कुल अवार्ड – ट्रिनिटी इन्टरनेशनल सेकेन्डरी स्कुल
३. सर्वोत्कृष्ट (द बेस्ट) सेकेण्डरी स्कुल अवार्ड – विश्व निकेतन सेकेण्डरी स्कुल
४. बेस्ट एकेडेमिक इन्भायरोन्मेन्ट अवार्ड – नासा सेकेन्डरी स्कुल
५. बेस्ट एकेडेमिक इन्भायरोन्मेन्ट अवार्ड – लिभरपुल सेकेण्डरी स्कुल
६. कन्सिस्टेन्ट एकेडेमिक पर्फमेन्स अवार्ड – रिलायन्स इन्टरनेशनल एकेडेमी
७. कमिटमेन्ट टु एक्सिलेन्स इन एजुकेसन अवार्ड – सेन्ट लरेन्स सेकेन्डरी स्कुल
८. बेस्ट हिस्टोरिकल अचिभमेन्ट अवार्ड – मेरील्याण्ड सेकेन्डरी स्कुल
९. आउटस्ट्यान्डिङ पर्फमेन्स अवार्ड – अरनिको आवासीय सेकेन्डरी स्कुल
१०. आउटस्ट्यान्डिङ पर्फमेन्स अवार्ड – मदरल्याण्ड सेकेन्डरी स्कुल
११. बेस्ट इनोभेटिभ टिचिङ प्राक्टिसेस अवार्ड – नेपाल मेगा कलेज
१२. प्रेस्टिजियस प्लस टु अवार्ड – नोबेल एकेडेमी सेकेन्डरी स्कुल
१३. बेस्ट लर्निङ सेन्टर अवार्ड – लिटिल एन्जल्स सेकेन्डरी स्कुल
१४. आउटस्ट्यान्डिङ एजुकेसनल प्राक्टिसेस अवार्ड – भीएस निकेतन सेकेन्डरी स्कुल
१५. डाइनामिक एजुकेसन लिडरसिप अवार्ड – नेपाल काष्ठमण्डप
१६. रिजनल प्रेस्टिज अवार्ड – शिक्षादीप बोर्डिङ सेकेन्डरी स्कुल
१७. बेस्ट पर्फमेन्स एक्सिलेन्स अवार्ड – जेभियर एकेडेमी
१८. इमर्जिङ प्लस टु अवार्ड – युनिग्लोब प्रिमियर स्कुल
‘बेस्ट प्लस टु अवार्ड’ प्राप्त गर्ने संस्थागत शैक्षिक संस्थाहरु
– प्रसादी एकेडेमी
– एनसीसीएस सेकेन्डरी स्कुल
– समृद्धि सेकेन्डरी स्कुल
– टेक्सास इन्टरनेशनल सेकेन्डरी स्कुल
– मनास्लु वल्र्ड स्कुल
– किस्ट सेकेन्डरी स्कुल
– मोर्गन सेकेन्डरी स्कुल
– काठमाडौं बन्हार्ट सेकेन्डरी स्कुल
– पिनाकल एकेडेमी सेकेन्डरी स्कुल
–ब्रिजवाटर सेकेन्डरी स्कुल
–आईएसटी सेकेन्डरी स्कुल
प्रदेशअन्तर्गत सम्मानित हुने उत्कृष्ट सामुदायिक विद्यालयहरू
१.मोहनमाया सेकेण्डरी स्कुल, विर्तामोड, झापा (कोशी प्रदेश)
२.जनता सेकेण्डरी स्कुल, बर्दिबास, महोत्तरी (मधेश प्रदेश)
३. नारायणी मोडेल सेकेण्डरी स्कुल, भरतपुर, चितवन (बागमती प्रदेश)
४. अमर सिंह सेकेण्डरी स्कुल, पोखरा, कास्की (गण्डकी प्रदेश)
५. कालिका मानवज्ञान सेकेण्डरी स्कुल, बुटवल, रुपन्देही (लुम्बिनी प्रदेश)
६. राप्ती ज्ञानोदय सेकेण्डरी स्कुल, सानीभेरी, रुकुम, (कर्णाली प्रदेश)
७. सेटीगाउँ सेकेण्डरी स्कुल, डिलासैनी, बैतडी, (सुदुरपश्चिम प्रदेश)
यस अवार्डको मुख्य उद्देश्य शिक्षण संस्थाहरूको भौतिक पूर्वाधार, शैक्षिक नतिजा, अतिरिक्त क्रियाकलाप र विद्यार्थीहरूको सर्वाङ्गिण विकासका आधारमा उत्कृष्ट संस्थाहरूलाई पुरस्कृत गर्नु हो ।
कार्यक्रममा विदेशमा उच्च शिक्षा अध्ययनका लागि जान चाहने नेपाली विद्यार्थीका लागि गुणस्तरीय परामर्श सेवा दिँदै सेतूको भूमिका निभाइरहेका र नेपालमा पनि विदेशी विद्यार्थी भित्र्याउन उत्तिकै महत्वपूर्ण योगदान गर्ने प्रतिष्ठित कन्सटल्टेन्सीहरुलाई पनि सम्मान गरिएको छ ।
१. अल्टिमेट कन्सल्टेन्सी एण्ड एड्भाइजरी नेटवर्क (युक्यान) – ‘बेस्ट करियर काउन्सिलिङ अवार्ड’
२. कङ्गारु एजुकेसन कन्सल्टेन्सी – ‘पायोनियर इन अस्ट्रेलियन एजुकेसन अवार्ड’
३. अप्टिमस ग्लोबल एजुकेसन कन्सल्टेन्सी – ‘मोस्ट प्रिफर्ड कन्सल्टेन्सी युके अवार्ड’
४. द नेक्स्ट एजुकेसन कन्सल्टेन्सी – ‘मोस्ट प्रिफर्ड कन्सल्टेन्सी अष्ट्रेलिर्या’
५. इन्फर्मेटिक्स कन्सल्टेन्सी प्रा.लि. – ‘मोस्ट प्रिफर्ड कन्सल्टेन्सी – न्यूजील्याण्र्ड’
६. अर्बिट इन्टरनेसनल एजुकेसन –‘मोस्ट प्रिफर्ड कन्सल्टेन्सी –यूएसए’
७. गोरेटो कन्सल्टेन्सी – ‘मोस्ट प्रिफर्ड कन्सल्टेन्सी क्यानडा’
८. ओपन भिजन एजुकेसन फाउन्डेसन प्रा.लि. –‘मोस्ट प्रिफर्ड कन्सल्टेन्सी जापान’
९.केआईईसी कन्सल्टेन्सी –‘लिडिङ मल्टि-डेस्टिनेसन कन्सल्टेन्सी अवार्ड’
१०.इनलाइटन इन्टरनेसनल एजुकेसन –‘ट्रस्टेड मल्टि-डेस्टिनेसन कन्सल्टेन्सी अवार्ड’
११. वेद इन्टरनेसनल एजुकेसन –‘इमर्जिङ मल्टि–डेस्टिनेसन कन्सल्टेन्सी अवार्ड’
१२. ओली एण्ड एसोसिएट्स –‘पायोनियर इन अष्ट्रेलियन एजुकेसन अवार्ड’
नेपाल शैक्षिक परामर्श संघ, नेपाल शैक्षिक परामर्श व्यवसायी महासंघ र लर्ड बुद्ध एजुकेसन फाउन्डेसनले एशोसिएशन पार्टनरका रूपमा साथ दिएका थिए । यस्तै पावर्ड बाईमा फोटोन नेपाल र संस्कृति इन्टरनेसनल कलेज रहेका थिए। यसबाहेक पार्टनरका रूपमा जोडिएकाहरु –
१ बैंकिङ पार्टनर -ग्लोबल आइएमई बैंक
२ पेमेन्ट पार्टनर -ईसेवा
३ रेमिट्यान्स पार्टनर -आइएमई लिमिटेड
४ एयरलाइन्स पार्टनर -बुद्ध एयर
५ इन्टरनेट पार्टनर -डिश मिडिया नेटवर्क लिमिटेड
६ स्मार्ट एजुकेसन पार्टनर -एलजी क्रिएट बोर्ड
७ एजुकेसन पार्टनर -नेशनल एकेडेमी अफ प्रोफेसनल स्टडिज र गेट कलेज
८ टु–ह्विलर्स पार्टनर -वेस्पा/एप्रिलिया
९ भेहिकल पार्टनर -ह्याम्स मोटर्स
१० मोबिलिटी पार्टनर -आरवाईडी
११ फूड पार्टनर -बाजेको सेकुवा र बुरिटो
१२ खानेपानी पार्टनर -रसुवा वाटर
१३ ट्राभल पार्टनर -ट्राभल एक्सपर्ट एसिया
१४ हाइजिन पार्टनर -सफ्टी हाइजिन
१५ फ्रेग्रेन्स पार्टनर -सावित्री कञ्चनजंघा अगरबत्ती
१६ वार्डरोब पार्टनर -मेरिना इम्पेक्स एण्ड टेलरिङ सेन्टर
१७ आईभीएफ पार्टनर -एन्जल फर्टिलिटी क्लिनिक
१८ इभेन्ट म्यानेजमेन्ट पार्टनर -एभरेस्ट एड एण्ड इभेन्ट म्यानेजमेन्ट प्रा.लि.
अवार्ड समारोहमा शिक्षा क्षेत्रका विभिन्न व्यक्तित्वहरू, नीति निर्माताहरू, देशभरका उत्कृष्ट संस्थागत तथा सामुदायिका विद्यालयका विद्यार्थी, शिक्षकहरु, र सञ्चारकर्मीहरूको उपस्थिति थियो।
