काठमाडाै । अमेरिकी डलरको भाउले नयाँ रेकर्ड बनाएको छ । नेपाल राष्ट्र बैंकका अनुसार बिहीबार १ डलरको बिक्रीदर १३२ रुपैयाँ ५४ पैसा कायम भएको छ । खरिददर पनि १३३ रुपैयाँ १४ पैसा कायम भएको छ । जुन हालसम्मकै उच्च विन्दु हो । यसअघि बुधबार १ डलरको बिक्रीदर १३२ रुपैयाँ ०८ पैसा कायम भएको थियो । खरिददर पनि १३१ रुपैयाँ ४८ पैसा कायम भएको थियो । बुधबारको अनुपातमा बिहीबार डलरको भाउ १ रुपैयाँ ०६ पैसाले बढेको हो ।
याेसँगै आज युरोको बिक्रीदर १३० रुपैयाँ २४ पैसा छ भने खरिददर १२९ रुपैयाँ ६५ पैसा रहेको छ । पछिल्लो समय डलर मजबुत बनेपछि अरु मुद्राहरुमा दबाब परेको हाे । डलरको तुलनामा भारतीय मुद्रा पनि इतिहासकै कमजोर बनेको छ । भारुसँग नेरुको स्थिर विनिमय दर कायम भएकाले भारु कमजोर हुँदा नेपाली रुपैयाँ पनि कमजोर हुन्छ ।
अमेरिकी केन्द्रीय बैंक फेडरल रिजर्भले मूल्यवृद्धि नियन्त्रणका लागि ब्याजदरमा निरन्तर वृद्धि गरेपछि डलर मजबुत बनेको हाे । यसरी डलरकाे भाउ बढ्दै जाँदा विश्वभरीनै महंगीले समस्या उत्पन्न गरिरहेकाे छ ।
प्रतिकृया दिनुहॊस