समाचार

ओखलढुंगा ।   १  नगर र ७ गाउँपालिका रहेको ओखलढुंगाका निर्वाचित जनप्रतिनिधिहरुले सपथ लिएका छन् । सुनकोसी, चिसंखुगढी लगायत गाउँपालिकामा सपथ ग्रहण भइसकेको छ।  जनप्रतिनिधिलाई मुख्य निर्वाचन अधिकृत चन्द्रमणि ज्ञवालीले सपथ गराएका हुन् ।

रुपन्देही । जिल्लाको सियारी गाउँपालिकामा  एमालेका उम्मेदवार अयोध्या थारूले ६ हजार ५२ मत ल्याएर अध्यक्षमा विजयी  भएका छन् । निकटतम प्रतिद्वन्द्वी नेपाली कांग्रेसका थानेश्वर घिमिरेले पाँच हजार ४०० मत ल्याएका छन् ।

कपिलबस्तु । कपिलबस्तु नगरपालिकामा कांग्रेसका किरण सिंहले ९ हजार २५४ मत ल्याई मेयरमा विजयी भएका छन् । उपमेयरमा पनि कांग्रेसकै लक्ष्मी कसौधन ८ हजार ८६५ मतका साथ विजयी भएकी छन् । कपिलबस्तुमा मेयरको दोस्रो स्थानमा स्वतन्त्र छन् । कपिलबस्तु जिल्ला कै बाणगंगा नगरपालिकाको मेयरमा कांग्रेसका मंगलप्रसाद थारु विजयी भएका छन् भने उनले १५ हजार ७३८ मत प्राप्त गरे । उपमेयरमा भने एमाले विजयी भएको छ । उता उपमेयरमा एमालेका चक्रपाणी अर्याल १५ …

कैलाली ।  कैलालीको भजनी नगरपालिकामा माओवादी केन्द्रका शेरबहादुर चौधरीले ५ हजार २२८ मत ल्याएर विजयी भएका छन् । निकटतम प्रतिद्वन्द्वी फोरम लोकतान्त्रिकका केवल चौधरीले ५ हजार २५  ल्याएका छन् ।

नेपालगन्ज । नेपालगन्ज उपमहमानगरपालिकाको मेयरमा राप्रपाका डा. धवलसम्शेर राणा तथा उपमेयरमा नेपाली कांग्रेसका उमा थापामगर विजयी भएका छन् । थापा नेपाल प्रेस युनियनकी पूर्व केन्द्रीय सदस्य हुन् । स्थानीय निर्वाचनमा राणाले १२ हजार ५ सय १५ मत प्राप्त गरे भने उनका निकटतम प्रतिद्धन्द्धी नेपाली कांग्रेसका डा. सुरेशकुमार कनोडियाले ८ हजार ७ सय ३० मत प्राप्त गरे । यसपटक मेयरमा जितेका राणा २०५४ सालमा नेपालगन्जको मेयर बनिसकेका छन् ।डा. राणा तत्कालीन …

चितवनको  इच्छाकामना गाउँपालिका–३ चुम्लिङ्टारस्थित पृथ्वी राजमार्गमा मंगलबार बिहान यात्रुबाहक बस दुर्घटना  हुदाँ घाइते भएका सातमध्ये  तीनजनाको मृत्यु भएको छ । मृत्यु हुनेमा  केन्द्रीय कार्यदल काठमाडौँमा कार्यरत प्रहरी जवान राजकुमार थारु, निजकी तीन महिनाकी छोरी र कैलालीका चालक ४० वर्षीय दिनेश रानामगरको मृत्यु भएको छ ।अन्य घाइते मध्ये   मृतक थारुकी श्रीमती गम्भीर  छिन् भने अन्य तीनजनाको अवस्था  सामान्य छ ।

 रुपन्देही । रुपन्देहीको मर्चवारी गाउँपालिकामा संघीय समाजवादी फोरम विजयी भएको छ । गाउँपालिकाको अध्यक्षमा केशवनन्द बानियाँ ३४०५ मत प्राप्त गरी विजयी भएका छन् । निकटतम प्रतिद्वन्द्वी कांग्रेसका ज्ञानप्रसाद मिश्राले २१६६ मत ल्याएका छन् । त्यस्तै  उपाध्यक्षमा  पनि संघीय समाजवादी फोरम कै  सुनिता कलवारले २०५४ मत प्राप्त गरी विजयी भएकी छिन् । निकटतम प्रतिद्वन्द्वी सिरीकान्ती बराईले १८३९ मत ल्याएकी छिन् ।

अर्घाखाँचीको सन्धिखर्क नगरपालिकाकाे मेयरमा कांग्रेसका  उम्मेदवार कमलप्रसाद भुसालले  ८३०३ मत  ल्याएर  विजयी भएका छन् । निकटतम प्रतिद्वन्द्वी एमालेका कृष्णप्रसाद श्रेष्ठ ७१२७ मत ल्याएका छन् ।

इलाम  । इलामको देउमाई नगरपालिकाको प्रमुखमा एमालेका सूर्य पोखरेल सात हजार ३४७ मत ल्याएर विजयी भएका छन् । उनका निकटतम प्रतिद्वन्द्वी नेपाली काँग्रेसका होम दुलालले छ हजार ६४५ मत प्राप्त गरे ।  उपप्रमुखमा एमालेकै पविमाया राई सात हजार ३८७ मत प्राप्त गरेर विजयी भएकी छन् । उहाँकी निकटतम प्रतिद्वन्द्वी काँग्रेसकी सूर्यमाया राईले छ हजार ३९० मत प्राप्त गरिन् । उता देउमाई नगरपालिका–१ मा नेपाली काँग्रेसका वडाध्यक्षका उम्मेदवार माधव बस्नेत ६७० मत ल्याएर …

कपिलवस्तु । स्वतन्त्र उम्मेदवारी दिएका राजपाका  निसार अहमद खाँले कपिलवस्तुको शुद्धोधन गाउँपालिकामा  १ हजार ८ सय ३७ मत  ल्याएर  विजयी भएका छन् ।उनका  निकटतम प्रतिद्वन्द्वी  स्वतन्त्र उम्मेदवार कमलेशशरण चौधरी १ हजार ७ सय ६३ मत ल्याएका छन् ।