काठमाडौँ । आज जेठ १५ गते । राज्यको सम्पूर्ण शक्ति जनतामा निहित हुने गरी सङ्घीय लोकतान्त्रिक गणतन्त्रात्मक शासन व्यवस्था प्रारम्भ भएको दिन अर्थात् गणतन्त्र दिवस । देशभर विभिन्न कार्यक्रम गरि मनाइँदै छ ।
जनआन्दोलन २०६२/६३ को जगमा भएको निर्वाचनबाट गठित संविधानसभाको पहिलो बैठकले २०६५ जेठ १५ गते नेपाललाई संघीय लोकतान्त्रिक गणतन्त्र घोषणा गरेको थियो । दुई सय ३८ वर्ष लामो शाहवंश राजपरम्परा अन्त्यको घोषणा भएको उक्त दिनलाई प्रत्येक वर्ष गणतन्त्र दिवसका रुपमा मनाउँदै आइएकाे छ ।
दिवसको अवसरमा काठमाण्डौको टुँडिखेलमा अहिले केहिबेरमा विशेष कार्यक्रम हुँदै छ । कार्यक्रममा राष्ट्रपति विद्यादेवी भण्डारी र प्रधानमन्त्री शेरबहादुर देउवासहित उच्च पदस्थ व्यक्ति सहभागी हुनेछन् ।
दिवसको अवसरमा राष्ट्रपति भण्डारी र प्रधानमन्त्री देउवालगायत दलका नेताहरूले शुभकामना सन्देश दिएका छन् ।
प्रतिकृया दिनुहॊस