काठमाडौं । बिहीबारको सेयर बजारमा लगानीकर्ताहरु एकाएक मेगा बैंकको सेयरमा बाढी झैं आए । लगानीकर्ताको आकर्षणसँगै बैंक विभिन्न चार शीर्षकमा अग्रस्थानमा देखिएको छ । ८९७ पटकको कारोबारमा कूल २ लाख २५ हजार ६२८ कित्ता सेयर किनबेच भएका छन् । जुन अन्य कम्पनीको तुलनामा सर्वाधिक हो ।
सर्वाधिक कारोबार भएको मेगा बैंकको सेयर मूल्य पनि १० प्रतिशतले बढेर प्रतिकित्ता २४७ दशमलव ५० रुपैयाँ पुगेको छ । जुन अघिल्लो दिनको तुलनामा २२ दशमलव ५० रुपैयाँले बढी हो । बिहीबारको सेयर मूल्य मापक नेप्से परिसूचक सामान्य अंकले बढेको छ । परिसूचक ८.०३ अंकले बढेर २२३९.६० बिन्दुमा पुगेको छ । जुन अघिल्लो दिनको तुलनामा ०.३६ प्रतिशतले बढी हो ।
प्रतिकृया दिनुहॊस