काठमाडौँ । छिमेकी मुलुक भारतमा कोरोनाको तेस्रो लहरमा दैनिक संक्रमितको संख्या बढिरहेको देखिएको छ । भारतीय स्वास्थ्य मन्त्रालयले दिएको जानकारी अनुसार पछिल्लो २४ घण्टामा २ लाख ८६ हजार ३८४ जनामा कोरोना संक्रमण पुष्टि भएको छ भने ५७३ जनाको मृत्यु भएको छ ।
भारतमा दैनिक संक्रमित दर परिक्षण गरिएको संख्याको १९.५९ प्रतिशत रहेको छ । त्यहाँ एकैदिन ३ लाख ६ हजार ३५७ जना कोरोना संक्रमणबाट निको भएको मन्त्रालयले जनाएको छ । योसँगै भारतमा सक्रिय कोरोना संक्रमितको कुल संख्या २२ लाख नाघेको छ ।
अहिले भारतमा २२ लाख २ हजार कोरोनाका सक्रियसंक्रमित छन् । हालसम्म कोरोना संक्रमणबाट कूल ४ लाख ९१ हजार ७०० जनाको मृत्यु भएको छ ।
प्रतिकृया दिनुहॊस