स्वास्थ्य मन्त्रालयले भन्याे, ‘अत्यावश्यक कामबाहेक विदेश भ्रमण नगर्नु’

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ। कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै अत्यावश्यक कामबाहेक विदेश भ्रमण नगर्न तथा सावधानी अपनाउन मन्त्रालयले अपिल गरेको हो।

मन्त्रालयका सहप्रवक्ता डा समीरकुमार अधिकारीले नेपालमा सङ्क्रमण फैलिन नदिन अत्यावश्यक कामबाहेक विदेश भ्रमण नगर्न आग्रह गरिएको बताए। उनका अनुसार हालसम्म उक्त भेरियन्ट नेपालमा फेला परेको छैन। उनले ओमिक्रोन भेरियन्टको आवश्यक निगरानी तथा परीक्षणको दायरालाई फराकिलो पारिएको बताए।

उनका अनुसार उक्त भेरियन्टले बढी सङ्क्रामक तथा सबै उमेर समूहका व्यक्तिमा असर पार्ने देखिएको छ। ओमिक्रोन सङ्क्रमण रोक्न सबै सचेत र जिम्मेवार बनी जनस्वास्थ्यका मापदण्डको पालना गर्न/गराउनसमेत मन्त्रालयले अनुरोध गरेको छ।

केही दिनअघि मात्र अफ्रिकी मुलुकमा पहिचान गरिएको ओमिक्रोन भेरियन्ट (B.१.१.५२९) साउथ अफ्रिका तथा एसियाका केही मुलुकमा अहिले तीव्र विस्तार भइरहेको अवस्था छ। विश्व स्वास्थ्य सङ्गठनले यो नयाँ भेरियन्टलाई विश्वव्यापी भेरियन्ट अफ कन्सर्न भनी घोषणा गरेको छ।

बारेमा प्रदिप नेपाल

यॊ पनि हेर्नुहॊस

कोभिड खोप प्रयोगको एक वर्ष पूरा : लक्षित जनसंख्याको ६९ प्रतिशतले लगाए पूर्ण खोप

खोप उत्पादन गरिरहेका देशहरूबाहेक खोप प्रयोगमा अगाडि रहेको नेपालमा हालसम्म लक्षित जनसंख्याको ६९.४ प्रतिशतले पूर्ण खोप लगाइसकेका छन् । त्यस्तै, खोपको एक मात्रा लगाउनेको संख्या ८२.७ प्रतिशत पुगेको छ भने अग्रपंक्तिमा खटिने झन्डै तीन लाख कर्मचारीमा अतिरिक्त खोपसमेत प्रयोगमा आइसकेको छ ।

प्रतिकृया दिनुहॊस