काठमाडौँ । नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् । दिउँसो ३ बजे देउवा निवास बुढानिलकण्ठमा बस्ने गरी पदाधिकारी बैठक बोलाइएको हो ।
राष्ट्रपति विद्यादेवी भण्डारीले संविधानको धारा ७६ (२) अनुसार नयाँ सरकार गठन गर्न दलहरूलाई आह्वान गरेपछि यसबारे छलफल गर्न पदाधिकारी बैठक बोलाइएको देउवाका स्वकीय सचिव भानु देउवाले जानकारी दिए ।
बैठकमा नयाँ सरकार गठनका लागि पहल गर्ने र सम्भावित गठबन्धनको विषयमा छलफल हुने बताइएको छ । पार्टी पदाधिकारी बैठक बसेपछि कांग्रेसले नेकपा माओवादी केन्द्र, जसपालगायत दलसँग नयाँ सरकार गठनबारे छलफल गर्ने तयारी गरेको छ ।
प्रतिकृया दिनुहॊस