कांग्रेस पदाधिकारी बैठक आज बस्दै

काठमाडौँ – नेपाली कांग्रेसको पदाधिकारी बैठक आज बस्दैछ । पछिल्लो समय विकसित राजनीतिक घटनाक्रमका बारेमा छलफल गर्न पदाधिकारी बैठक बस्न लागेको मुख्य सचिव कृष्णप्रसाद पौडेलले जानकारी दिएका छन् । सभापति शेरबहादुर देउवाले आज दिउँसो ३ बजे आफ्नै निवास बूढानीलकण्ठमा पार्टीका पदाधिकारी, पूर्व पदाधिकारी तथा प्रभावशाली नेताहरुलाई छलफलका लागि बोलाएका हुन् ।

हिजो चितवन पुगेर सभापति देउवाले प्रधानमन्त्रीको प्रस्ताव आए जिम्मेवारीबाट पछि नहट्ने अभिव्यक्ति दिएका थिए । केहि दिनअघिसम्म सरकार गठनका लागि नेकपा फुट्नु पर्ने बताउँदै आएका देउवा अहिले जिम्मेवारीको प्रस्ताव आए कांग्रेस सरकारको नेतृत्व गर्न तयार रहेको बताउन थालेका छन् ।

उनले कांग्रेसलाई प्रधानमन्त्रीको प्रस्ताव आए नयाँ सरकार गठन गरेर अघि बढ्न सकिने संकेत दिएका छन् । तर, पार्टीका वरिष्ठ नेता रामचन्द्र पौडेल भने कांग्रेस प्रतिपक्षमै बस्नु पर्ने बताइरहेका छन् । प्रधानमन्त्री बन्ने दाउमा रहेका देउवा भने कांग्रेस सरकारको नेतृत्वमा गए नेकपा पनि फुट्ने र पार्टी समेत सरकारको नेतृत्व गर्ने तहमा पुग्ने तर्क गरिरहेका छन् ।

बारेमा News desk

यॊ पनि हेर्नुहॊस

भोलि शुक्रबारदेखि पशुपतिनाथमा पूजाआजा गर्न नपाइने

काठमाडाै । कोरोना भाइरसका संक्रमित दिनानूदिन वृद्धि भएपछि पशुपतिनाथ मन्दिरमा पूजाआजाका लागि भक्तजनलाई रोक लगाइएको …

प्रतिकृया दिनुहॊस