पोखरामा बागलुङका संक्रमितको मृत्यु, गण्डकीमा थपिए ९८ संक्रमित

काठमाडौं । कोरोना भाइरस संक्रमणबाट गण्डकी प्रदेशमा थप एक जनाको मृत्यु भएको छ । बागलुङ गलकोट घर भएका ७२ वर्षीय कोरोना संक्रमित पुरुषको पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल कोभिड १९ उपचार केन्द्रमा उपचारको क्रममा मृत्यु भएको हो ।

उनको बिहीबार साँझ ५ बजेर ५ मिनेट जाँदा मृत्यु भएको गण्डकी प्रदेश स्वास्थ्य निर्देशनालय पोखराले जानकारी दिएको छ । कात्तिक ८ गते कोरोना संक्रमण पुष्टि भएपछि उनको आइसियुमा राखेर उपचार भइरहेको थियो । उनीसँगै गण्डकीमा ज्यान गुमाउनेको संख्या ७३ पुगेको प्रदेश स्वास्थ्य निर्देशनालयका निर्देशक डा. विनोद विन्दु शर्माले जानकारी दिए ।

त्यस्तै प्रदेशमा शुक्रबार थप ९८ जनामा कोरोना संक्रमण पुष्टि भएको छ । संक्रमित हुनेमा पोखराका ६० जना, नवलपुरका २२, तनहुँका आठ, स्याङ्जाका तीन, लमजुङका दुई, गोरखाका दुई, र पर्वतका एक जना संक्रमित थपिएको प्रदेश स्वास्थ्य निर्देशनालय पोखराले जानकारी दिएको छ । योसँगै गण्डकी प्रदेशमा संक्रमित हुनेको संख्या सात हजार एक सय ४५ पुगेको छ ।

बारेमा News desk

यॊ पनि हेर्नुहॊस

आजको मौसमः पहाडी भू-भागमा हल्का वर्षा, तराईमा हुस्सु लाग्ने

काठमाडौं । अहिले गण्डकी प्रदेश, बाग्मती प्रदेश र प्रदेश नं १ का पहाडी भू-भागमा आंशिक …

प्रतिकृया दिनुहॊस