अमेरिकामा एकै दिन थपिए ५८ हजार ३ सय ४९ जना नयाँ कोरोना संक्रमित

काठमाडौं । विश्वभरी महामारीको रुपमा फैलिएको कोरोना भाइरसको संङ्क्रमणबाट अमेरिकामा हालसम्म १ लाख ३७  हजार ७ सय ८४ जनाको मृत्यु भएको छ भने संक्रमितको संख्या ३४  लाख १४ हजार ४२ जना छन् ।

तिव्र रुपमा फैलिरहेको कोरोना भाइरसका कारण अमेरिकामा पछिल्लो २४ घण्टामा ३ सय ८०  जनाको मृत्यु भएको छ भने ५८ हजार ३ सय ४९  जना संक्रमित भएका छन् ।

कोरोना भाइरसको संङ्क्रमणबाट अमेरिकाका न्युवर्क तथा न्युजर्सी राज्य सबैभन्दा बढी प्रभावित भएको छन् ।