टियुका ५ सय विद्यार्थीलाई नेको इन्सुरेन्सका सिइओको सहयोग

काठमाडौं । नेको इन्सुरेन्स लिमिटेडका प्रमुख कार्यकारी अधिकृत अशोक कुमार खड्काले लकडाउनका कारण समस्यामा परेका विद्यार्थीलाई सहयोग गरेका छन् ।

त्रिभुवन विश्वविद्यालय, कीर्तिपुरमा देशभरबाट आएका करिब ५०० विद्यार्थीलाई उनले आफ्नो एक महिना बराबरको तलबबाट सहयोग गरेका हुन् ।

उनले त्रिभुवन विश्वविद्यालय, कीर्तिपुरमा पुगेर विद्यार्थीहरूलाई १५ दिनको लागि आवश्यक खाद्यान्न २०० बोरा चामल, ५०० किलो दाल र ५०० प्याकेट नुन वितरण गरेका हुन् ।