काठमाडाैँ । ट्राफिक प्रहरीले काठमाडौं उपत्यकामा शनिबार सवारी नियम उलङ्घन गर्ने १ हजार ६५ सवारी चालक माथि कारबाही गरेको छ।
ट्राफिक प्रहरीका अनुसार शनिबार काठमाडौं उपत्यकामा ९ जनालाई मादक पदार्थ सेवन गरी सवारी चलाएकोमा कारबाही गरिएको थियो। यस्तै, सिसिटिभि फुटेज हेरेर ट्राफिक नियम उलङ्घन गर्ने ६० जना सवारी चालकलाई कारबाही गरिएको थियो।
ट्राफिक कारबाहीमा पर्नेमा ९ जना भाडाका कार तथा ट्याक्सी चालक, १६ जना जेब्राक्रसिङमा सवारी रोक्ने र १० जना टिपर चालक रहेका छन्।
यसैगरी, फुटपाथमा पार्किङ गर्ने ६१, निषेधित क्षेत्रमा हर्न बजाउने १९ जना छन्। त्यस्तै अन्य कारबाही ८ सय ६५ सवारी चालक परेको ट्राफिक प्रहरीले बताएको छ।
शनिबार काठमाडौं उपत्यकामा ३४ वटा सवारी दुर्घटना भएका थिए, जसमा परी २० जना सामान्य घाइते भएका थिए।
प्रतिकृया दिनुहॊस