काठमाडाैं । चीनमा नोभेल कोरोना भाइरसबाट मृत्यु हुनेको सङ्ख्या ३ सय ६१ पुगेको छ । आइतबार एकै दिन ५६ जनाको मृत्यु भएको चीनको हुबेई प्रान्तस्थित स्वास्थ्य प्राधिकरणको रिपोर्टमा उल्लेख छ ।
प्राधिकरणको रिपोर्टले थप २ हजार १ सय ३ जनामा कोरोना भाइरसको सङ्क्रमण देखिएको पुष्टि गरेको छ । यससँगै उक्त भाइरसबाट सङ्क्रमितको सङ्ख्या १६ हजार ६ सय पुगेको छ ।
प्राधिकरणका अनुसार ९ हजार ६ सय १८ जना बिरामीलाई उपचारका लागि अस्पताल भर्ना गरिएको छ, जसमध्ये ४ सय ७८ जनाको अवस्था गम्भीर रहेको छ ।
चीनको हुबेई प्रान्तको उहानबाट फैलिएको उक्त भाइरस अहिले विश्वका दुई दर्जन बढी मुलुकमा पुगिसकेको छ ।
प्रतिकृया दिनुहॊस