काठमाडौं । नेपाल इन्भेष्टमेण्ट बैंकको ३३औँ वार्षिक साधारणसभा सम्पन्न भएको छ । संचालक समितीका अध्यक्ष पृथ्वीबहादुर पाण्डेको अध्यक्षतामा काठमाडौँमा एक कार्यक्रमकाबीच साधारण सभा सम्पन्न भएको हो।
साधारणसभाले शेयरधनीलाई १०.५ प्रतिशत बोनस शेयर र ८.५ प्रतिशत नगद लाभांश प्रस्तावलाई पारित गरेको छ ।
१०.५ प्रतिशत बोनससहित बैंकको चुक्ता पुँजी १४ अर्ब २२ करोड रुपैयाँ पुगेको छ । बैंकले आर्थिक वर्ष २०७५/७६ मा ४ अर्ब १३ करोड रुपैयाँ सञ्चालन मुनाफा कमाएको छ ।
बैंकको खुदनाफा ३ अर्ब ३२ करोड पुगेको छ । बैंकको निक्षेप ८.४५ प्रतिशतले बढेर १ खर्ब ५२ अर्ब रुपैयाँ पुगेको छ भने कर्जा लगानी ५.२३ प्रतिशतले बढेर १ खर्ब २७ अर्ब रुपैयाँ पुगेको छ । बैंकको खराब कर्जा अनुपात २.७८ प्रतिशत रहेको छ ।
प्रतिकृया दिनुहॊस