कुलमान घिसिङ ‘नाष्ट प्रविधि पुरस्कार’बाट सम्मान

काठमाडौँ ।  विद्युत प्राधिकरणका कार्यकारी निर्देशक कुलमान घिसिङलाई नेपाल विज्ञान तथा प्रविधि प्रज्ञा प्रतिष्ठान(नास्ट)ले यस वर्षको ‘नाष्ट प्रविधि पुरस्कार’ प्रदान गरेको छ ।

विद्युत् आपूर्ति तथा मागको वैज्ञानिक तथा प्राविधिक व्यवस्थापन गरी देशलाई लोडसेडिङमुक्त बनाउन योगदान पुर्याएको उच्च कदर गर्दै  घिसिङलाई ‘नाष्ट प्रविधि पुरस्कार’ प्रदान गरिएको हो । पुरस्कारको राशी एक लाख रुपैयाँ नगद र सम्मान पत्र रहेको छ ।

शिक्षा तथा विज्ञान प्रविधि मन्त्री एवं नास्टका सहकुलपति गिरिराजमणि पोखरेलले नाष्टको ३७ औं वार्षिकोत्सवको अवसरमा ललितपुरमा शुक्रबार आयोजित कार्यक्रममा घिसिङलाई पुरस्कार प्रदान गरेका हुन् ।

नास्टका प्राज्ञ प्राध्यापक  जनार्दन लामिछानको पुरस्कार मुल्याङकन एवं छनोट समितिले घिसिङलाई ‘नास्ट प्रविधि पुरस्कार’ प्रदान गर्न सिफारिस गरेको हो ।
नाष्टले हरेक वर्ष विज्ञान तथा प्रविधिका विभिन्न क्षेत्रमा उल्लेखनीय योगदान पुर्याएका वैज्ञानिक प्राविधिहरुको प्रोत्साहन तथा सम्मान गर्दै आएको छ ।

बारेमा news

यॊ पनि हेर्नुहॊस

अपराह्न ५ बजेसम्म यी क्षेत्रमा विद्युत् नआउने

काठमाडौं । नेपाल विद्युत प्राधिकरणको ठिमी वितरण केन्द्रको विद्युत लाइन काटिएको छ । ठिमी वितरण …

प्रतिकृया दिनुहॊस