काठमाडौं । मेरुदण्ड रोग विशेषज्ञ नेपालमा पनि स्पाइन अर्थात ढाड दुख्ने समस्या बढ्दै गएको बताउँछन् । मेरुदण्डमा समस्या देखिएको छ भने घरमै बस्नु हुँदैन, कतिपय अवस्थामा यो समस्या हात र खुट्टा पुगेर प्यारालाइसिससम्म हुने जोखिम देखिने गरेको हुँदा, तुरुन्तै उपचारका लागि जानुपर्ने हुन्छ ।
लक्षणहरुः
ढाड र गर्धन दख्ने हुन्छ ।
खुट्टा र हात झम्झमाउने ।
हात र खुट्टा कमजोर हुने ।
खुट्टा भारी भएर हिँड्न समस्या हुने ।
सामान्य काम पनि गर्न नसकिने ।
गर्धनको समस्या आएमा हातमा समस्या देखिने भने ढाडको समस्या छ भने खुट्टामा देखिने हुन्छ ।
५० वर्षभन्दामाथिका उमेरका मानिसमा ढाड र गर्धनको समस्याले क्यान्सर समेत भएको देखिन्छ ।
बच्ने उपाय
जीवशैलीमा परिवर्तन गर्ने ।
कुर्सीमा बस्दा ध्यान दिने, टुलमा नबस्ने ।
लामो समयसम्म एकै स्थानमा बस्नु हुँदैन ।
एक–एक घण्टामा करिब तीनदेखि पाँच मिनेट उता–उता हिड्नुपर्छ ।
निहुरिएर काम गर्नु हुँदैन ।
धेरै भिड भएको गाडीमा नचढ्ने ।
हरेक दिन व्यायाम गर्ने ।
धुम्रपान नगर्ने ।
बिहानको घाममा बस्ने ।
स्वस्थ्यकर खानेकुरा खाने ।
प्रतिकृया दिनुहॊस