माने र सालहको गोलमा लिभरपुलको प्रभावशाली जित

काठमाडाैँ । साबिक उपविजेता लिभरपुलले यो सिजन इंग्लिस प्रिमियर लिग फुटबलमा राम्रो प्रदर्शन गर्दै आएको छ । उसले लगातार जितको यात्रा कायम राखेको छ ।

लिग अन्तर्गत शनिबार राति भएको खेलमा लिभरपुलले न्युक्यासल युनाइटेडलाई ३–१ ले पराजित गरेको हो । यो सिजनको पाँचौँ खेलमा जित निकाल्ने क्रममा लिभरपुलका लागि साडिओ मानेले दुई तथा मोहम्मद सालहले एक गोल गरे । न्युक्यासलका लागि जेट्रो विलेम्सले एक गोल गरेका हुन् ।

जितपछि शीर्ष स्थानको लिभरपुलको पाँच खेलबाट १० अंक भएको छ । उ दोस्रो स्थानको म्यानचेस्टर सिटी भन्दा पाँच अंकले अघि छ । गएको सिजनको पछिल्ला ९ र यो सिजनका पाँच गरी लिभरपुल लगातार १४ खेलमा विजयी भएको छ । पराजित भएको न्युक्यासल भने चार अंकसहित सत्रौँ स्थानमा छ ।