काठमाडौं । बैंक तथा वित्तीय संस्थाले नयाँ आधार दर सार्वजनिक गरेका छन् । नयाँ आर्थिक वर्ष सुरु भए सँगै बैंक तथा वित्तीय संस्थाले नयाँ आधार दर सार्वजनिक गरेका हुन् । यसै दरलाई आधार मानेर बैंक तथा वित्तीय संस्थाले विभिन्न किसिमका कर्जा प्रवाह गर्छन् ।
आधार दरमा केही प्रतिशत प्रिमियम थप गरी कर्जा प्रवाह गर्छन् । बैंकहरुले सार्वजनिक गरेका पछिल्लो आधार दर मध्ये स्टान्डर्ड चार्टर्ड बैंकको सबैभन्दा कम छ । यसको आधार दर ७.६३% रहेको छ ।
यता, नेपाल बैंकको आधार दर भने ७.९८% छ । नेपाल बैंकले यसमा ४.०५% देखि ५.०२% सम्म प्रिमियम थप गरेर सेयर कर्जा प्रवाह गर्छ । त्यस्तै, कृषि विकास बैंकले पनि आधार दरमा कति प्रिमियम थप गरेर सेयर धितो कर्जा प्रवाह गर्ने भनेर खुलाएको छैन । कृषिले पनि सेयर कर्जा खासै उपलब्ध गराउँदैन् ।
राष्ट्रिय वाणिज्य बैंकले भने असार मसान्त सम्मको आधार दर सार्वजनिक गरेको छैन । यद्दपि, यसले आधार दरमा ४५ देखि ५.६७% सम्म प्रिमियम थप गरेर सेयर धितो कर्जा दिदैं आएको छ ।
प्रतिकृया दिनुहॊस