प्रभु बैंकको एक्स्टेन्सन काउण्टर अमलेखगञ्जमा

काठमाडौं । प्रभु बैंकले बाराको अमलेखगञ्जमा रहेको नेपाल आयल निगलको परिसरमा एक्स्टेन्सन काउण्टर सञ्चालनमा ल्याएको छ ।

नेपाल आयल निगमका क्षेत्रीय प्रमुख प्रदिप कुमार यादवले उक्त बैंककोे एक्स्टेन्सन काउण्टरको समुद्घाटन गरे ।

समुद्घाटन कार्यक्रममा बोल्दै प्रभु बैंकका प्रमुख कार्यकारी अधिकृत अशोक शेरचनले नेपाल आयल निगमको अमलेखगञ्ज डिपोेसँग इन्धन कारोबार गर्ने पेट्रोलियम व्यवसायीहरुको सुविधालाई मध्येनजर गरी बैंकले एक्स्टेन्सन काउण्टर सञ्चालनमा ल्याएको बताए ।साथै,अब हरेक पेट्रोलियम व्यवसायीले नगद बोकेरै आउनु नपर्ने,प्रभु बैंकको जुनसुकै शाखा कार्र्यालयबाट नेपाल आयल निगम अमलेखगञ्जको खातामा निःशुल्क रुपमा रकम जम्मा गरी पेट्रोलियम पदार्थको कारोबार गर्न सकिने व्यवस्था बैंकले मिलाएकोले सम्पुर्ण पेट्रोलियम पदार्थको कारोबार गर्ने व्यवसायीहरुलाई कारोबारमा सहज हुने उनले बताए । बिहिबारबाट सञ्चालनमा आएको बैंकको एक्स्टेन्सन काउण्टरबाट नेपाल आयल निगमको अमलेखगञ्ज ईन्धन डिपोमा पेट्रोलियम पदार्थको कारोबार गर्ने सम्पूर्ण व्यवसायीहरु, अन्य सर्वसाधारणहरु, उद्यमी व्यवसायीहरुले पनि आप्mनै टोल छिमेकमै रहेको प्रभु बैंकको गुणस्तरीय बैंकिङ्ग सेवा सहज रुपमा उपभोग गर्न सक्नेछन् ।

बैंकको अमलेखगञ्ज एक्स्टेन्सन काउण्टर कार्यालयबाट विशेष गरी पेट्रोलियम पदार्थको कारोबार गर्ने व्यवसायी, स्थानीय सेवाग्राही, सर्वसाधारणहरु, उद्यमी व्यवसायीहरु लगायतले प्रभु बैंकको गुणस्तरीय सेवा उपभोग गरी लाभान्वित हुने बैंकले जनाएको छ ।