काठमाडौं । ग्रीन डेभलपमेन्ट बैंकले चालु आर्थिक बर्षको दोस्रो त्रैमास सम्ममा ८६ लाख ८ हजार रुपैयाँ नाफा कमाएको छ । बैंकले गत आर्थिक बर्षको सोही अवधिको भन्दा ४९०.४० प्रतिशतले नाफा बढाएको हो । गत बर्षको सोही अवधिमा बैंकले १४ लाख ५८ हजार रुपैयाँ नाफा कमाएको थियो । बैंकले पुष मसान्त सम्ममा ५८ करोड ५ लाख रुपैयाँ निक्षेप संकलन गरी ७८ करोड ९ लाख रुपैयाँ कर्जा लगानी गरेको छ ।
बैंकको निक्षेपमा गत आर्थिको बर्षको सोही अवधिको भन्दा २ दशमलव ३२ प्रतिशतले घटेको छ भने कर्जामा ७४.३९ प्रतिशतले बढेको छ । गत आर्थिक बर्षको सोही अवधिमा बैंकले ५९ करोड ४२ लाख निक्षेप संकलन गरेको थियो ।
बैंकले पुस मसान्तसम्म ५ करोड ३५ लाख ब्याज आम्दानी गरि २ करोड ६४ लाख ब्याज खर्च गर्दा २ करोड ७० लाख खुद ब्याज आम्दानी गरेको छ । यो गत वर्षको तुलनामा १८०.८० प्रतिशतले बढी हो । गत वर्षको यसै अवधिमा बैंकले ९६ लाख २९ हजार खुद ब्याज आम्दानी आर्जन गरेको थियो ।
प्रतिकृया दिनुहॊस