काठमाडौं । काठमाडौंको सामाखुशी चोक नजिक जेब्राक्रसमा बाटो काटिरहेकालाइ माइक्रो बसले ठक्कर दिँयाे । यसबाट एकजनाको मृत्यु भएको छ भने ४ जना घाइते छन् ।
घटनामा मृत्यु हुनेमा धुम्बाराहीकी ६० वर्षीया सीता दाहाल छिन् । घटनालगत्तै गम्भीर घाइते भएकी उनलाई नजिकैको अल नेपाल अस्पताल पुर्याइएकाे थियाे ।
घटनामा १९ वर्षीय सपना राई, ५३ वर्षीय सुशील अधिकारी, ५० वर्षीया सरिता अधिकारी र धुम्बाराहीका ३५ वर्षीया लक्ष्मी सापकोटा घाइते भएका छन् ।
प्रहरीले दिएकाे जानकारी अनुसार घाइते मध्ये लक्ष्मीको ग्रान्डी अस्पतालमा उपचार भइरहेको छ । अन्य घार्इतेहरुकाे अल नेपाल अस्पतालमै उपचार भइरहेको छ । अहिले माइक्रो र चालक प्रहरीको नियन्त्रणमा छन् ।
प्रतिकृया दिनुहॊस