काठमाडौं । हिमालयन बैंक लिमिटेडको पच्चीसौं वार्षिक साधारण सभा शुक्रबार सम्पन्न भएको छ । बैंक संचालक समितिका अध्यक्ष मनोज बहादुर श्रेष्ठको सभापतित्वमा सम्पन्न उक्त साधारण सभाले शेयरधनीहरुलाई २५ प्रतिशत बोनस शेयर र १.३१५८ प्रतिशत नगद गरी कुल २६.३१५८ प्रतिशत लाभांश वितरण गर्ने प्रस्ताव पारित गरेको छ । यो बोनस शेयरको वितरण पश्चात बैंकको चुक्ता पूँजी ८ अर्व ११ करोड ४५ लाख २९ हजार पुग्ने छ ।
सोही अवसरमा अध्यक्ष श्रेष्ठले ग्राहकवर्गले बैंक प्रति गरेको विश्वास तथा व्यवस्थापनको सृजनात्मक क्रियाशीलताबाट बैंकले निरन्तर प्रगति गरिरहेको र आगामी माघ ४ गते सफलतापूर्वक २५ वर्ष पूरा गर्ने जानकारी सभालाई दिए ।
बैंकले आ.व. २०७३÷७४ अन्त्य सम्म ९२ अर्व ८८ करोड निक्षेप संकलन र ७७ अर्व ६४ करोड कर्जा प्रवाह गरेको छ जुन अघिल्लो वर्षको तुलनामा क्रमशः ६.३५ र १२.३६ प्रतिशतले बढी हो ।
बैकले यो वर्ष ६ स्थानमा नयाँ शाखाहरुको स्थापना गर्ने तथा नेपाल सरकारको योजना अनुरुप स्थानीय तहमा पनि बैंकको ग्रामीण शाखाहरु स्थापना गर्दैछ ।
प्रतिकृया दिनुहॊस