काठमाडौंको गोंगबुमा ग्यास ​सिलिण्डर पड्किँदा, पाँच जना गम्भीर घाइते

काठमाडौं । काठमाडौंको  गोंगबुमा ग्यास सिलिन्डर विस्फोट भएको छ ।  विस्फोटमा परि  पाँच जना गम्भीर घाइते भएका छन्।  घाइते हुनेहरूमा काजी तामाङ, राजु बिसी, कैलाश श्रेष्ठ, अनिल पोखरेल र रेशम तामाङ रहेका छन्।  घाइतेहरुको त्रिभुवन विश्वविद्यालय शिक्षण अस्पताल महाराजगञ्ज र धापासीस्थित ग्रान्डी अस्पतालमा उपचार भइरहेको छ। ग्यास सिलिन्डर दीपज्योतिस्थित पिस नेपाल सिसा फ्याक्ट्रीमा विस्फोट भएको हो।