काठमाडाैं । विराटनगर महानगरपालिकाका मेयर भीम पराजुली तीन किलो मिटर घस्रिँदै घाट पुगेर छठ पूजा गरेका छन् । उनी विराटनगरको समृद्धि र शान्तिका लागि घस्रिएर साष्टांग दण्डवत गर्दै शिव पञ्चयन मन्दिरबाट परोपकार घाट पुगेका खबर आजको नयाँ पत्रिकामा विराटनगरबाट गणेश लम्सालले लेखेका छन् ।
मेयर पराजुलीले मंगलबार दिउँसो साढे १२ बजेबाट दण्डवत यात्रा आरम्भ गरेका थिए । उनलाई तीन किमी यात्रा गर्न साढे तीन घण्टा लागेको थियो । उनीसँगै भतिजाहरु प्रमिस र मनीष पनि घस्रिएरै घाट पुगेका थिए । मेयर पराजुलीले १५ वर्षदेखि छठ पूजा गर्दै आएको बताए ।
‘पहिले म आफू र परिवारको रक्षाका लागि कठिन कार्य गरेर छठपूजा गर्थेँ, तर गत सालदेखि सम्पूर्ण महानगरवासीको सुरक्षा र समृद्धिको लागि पूजा गर्न थालेको छु, सकुन्जेल निरन्तरता दिन्छु’ मेयर पराजुलीले भने ।
प्रतिकृया दिनुहॊस