दार्चुलाबाट काठमाडौँ र पोखरा ल्याइए भेडा-च्याङ्ग्रा

काठमाडाैं । दशैँ तिहारका लागि दार्चुलाबाट करीब ७५० भेडा–च्याङ्ग्रा पोखरा तथा काठमाडौँ निर्यात गरिएको छ । जिल्लामै भेडा र खसीको मासु अभाव भइरहेका बेला अपिहिमाल, मार्मा, नौगाड गाउँपालिका र शैल्यशिखर नगरपालिकाबाट भेडा–च्याङ्ग्रा निर्यात गरिएको गोकुलेश्वरस्थित ट्राफिक प्रहरी पोष्टले जनाएको छ ।

जिल्ला पशु शाखा कार्यालयले स्वास्थ्य परीक्षण प्रतिवेदन दिएपछि २६० भेडा, तथा स्कालिम जातका ४७३ च्याङ्ग्रा ढुवानी गरिएको पशु चिकित्सक मोहनदेव भट्टले बताए । विगतमा तिब्बतबाट भेडा–च्याङ्ग्रा आयात हुने गरेकामा पछिल्लो समय दार्चुलाबाटै बाह्य जिल्ला निर्यात हुन थालेको छ ।

यस वर्ष तिब्बतेली भेडा–च्याङ्ग्रा हालसम्म आयात नभएको व्यास गाउँपालिका वडाअध्यक्ष अशोकसिंह बोहराले बताए । ‘विगतमा सयौँ भेडा–च्याङ्ग्रा तिब्बतबाट आयात हुन्थ्यो,’ उनले भने, ‘यस वर्ष हालसम्म आएको छैन ।’ व्यापारीले जिल्लाबाट ७० हजार भाडा तिरेर भेडा च्याङ्ग्रा पोखराका लागि ढुवानी गरेक ट्रक व्यवसायी मोहनसिंह ऐरीले बताए ।

यॊ पनि हेर्नुहॊस

नक्कली नोटसहित बस्नेत पक्राउ

काठमाडौं । प्रहरीले काठमाडौंबाट नक्कली नोटसहित एक जनालाई पक्राउ गरेको छ। ओखलढुंगा घर भएका ३२ …

प्रतिकृया दिनुहॊस