प्रदेश १ का १९ स्थानीय तहमा पुगेन बैंक

विराटनगर । प्रदेश १ का १९ वटा स्थानीय तहमा बैंक तथा वितिय संस्थाको पहुँच पुगेको छैन । सबै स्थानीय तहमा बैंकको शाखा खोल्न राष्ट्र बैंकले निर्देशन दिए पनि प्रदेश १ का १३७ स्थानीय तहमध्ये १९ वटामा बैंक नपुगेका हुन् ।

नेपाल राष्ट्र बैंक अनुसन्धान विभागका कायम मुकायम निर्देशक हिमप्रसाद न्यौपानका अनुसार ११८ वटा स्थानीय तहमा बैंकको शाखा विस्तार भएको छ । २०७४ असार मसान्त सम्म १३७ मध्ये ५८ वटा स्थानीय तहमा मात्र बैंकका शाखा विस्तार भएका थिए । तर चालु आर्थिक बर्षको असोज महिना सम्म ६० वटा स्थानीय तहमा नयाँ शाखा स्थापना भएका छन् ।

निर्देशक न्यौपानेले ३ वटाबाहेक अन्य स्थानीय तहमा बैंक स्थापनाका लागि प्रक्रिया सुरु भएको बताए । ३ स्थानीय तहमा भने भौगोलिक समस्याका कारण शाखा खोल्ने प्रक्रिया सुरु हुन सकेको छैन । १ सय १८ स्थानीय तहमा बैंकको साखा विस्तार भए पनि सबै मानिसको बैंक खाता भने छैन ।

यॊ पनि हेर्नुहॊस

मेगा बैंकले ल्यायो थ्रीडी सेक्योर प्रविधि, अनलाइन कारोबार झनै सुरक्षित हुने

काठमाडौं । मेगा बैंक नेपाल लिमिटेडले इन्टरनेटमा कार्डमार्फत वस्तु तथा सेवा खरिद गर्न चाहने ग्राहकका …

प्रतिकृया दिनुहॊस